Qol.az
"Real"dan ayrılacağı gözlənilən Karlo Ançelotti Səudiyyə Ərəbistanının adı açıqlanmayan bir klubundan təklif alıb.
QOL.az xəbər verir ki, bu barədə "Marca" məlumat yayıb.
Həmin klub italiyalı mütəxəssisə 50 milyon avroluq müqavilə təklif edib. Bildirilir ki, Ançelotti bunadək Braizliya millisini çalışdırmaq niyyətində olsa da, Səudiyyə Ərəbistanından gələn belə bir təklifə "yox" deməyəcək.
Müxtəlif xarici KİV-lərdə Ançelottiyə bu səxavətli təklifi göndərən klubun "Əl-Hilal" olduğuna dair xəbərlər də yayılıb.
Qeyd edək ki, Ançelotti 2021-ci ilin yayından Madrid təmsilçisini çalışdırır. Cari mövsüm komanda onun rəhbərliyi altında Çempionlar Liqasında mübarizəni dayandırıb, İspaniya kubokunun finalında "Barselona"ya uduzub və La Liqada 2-ci yerdədir.
