Sport24.az
Ukrayna millisinin qapıçısı Anatoli Trubin DÇ-2026-nın seçmə mərhələsi çərçivəsində Azərbaycanla səfər oyunundan (1:1) sonra emosiyalarını bölüşüb. Sport24.az Ukrayna mətbuatına istinadən xəbər verir ki, qolkiper Bakıdakı oyundan narazı qalıb.
- Oyunla bağlı təəssüratlarınız necədir? Nə alınmadı?
- Hansı təəssüratlar ola bilər? Məncə, biabırçılıqdır, çox, çox pisdir. Belə matçlarda, bu cür rəqiblərə qalib gəlmək lazımdır. Nəyin necə olmasının əhəmiyyəti yoxdur. Daha irəli getmək istəyiriksə, qalib gəlməliyik. Hər kəs bu barədə fərdi düşünməlidir. Növbəti oyunlar həlledici olacaq. Daha da irəli getmək istəyiriksə, vəzifəmizi necə yerinə yetirəcəyimizi düşünməliyik.
- Azarkeşlərə nə demək istəyirsən? Onlar matçdan sonra futbolçuları tribuna qarşısına çağıraraq narazılıqlarını bildirdilər...
- Onlar həmişə olduğu kimi, ən yaxşılardır. Onlarla bağlı heç bir şikayət yoxdur. Harada oynamağımızın fərqi yoxdur. Azarkeşlərimiz həmişə bizi dəstəkləyirlər. Buna görə çox sağ olsunlar.
