Sport24.az
"Lill"in futbolçusu Anxel Qomes "Mançester Yunayted"ə qayıda bilər. Sport24.az xəbər verir ki, Premyer Liqa nəhəngi sabiq oyunçusunu qaytarmaq istəyir.
Bu barədə "Fichajes" nəşri məlumat yayıb.
"Mançester Yunayted"in baş məşqçisi Ruben Amorim rəhbərlikdən ingiltərəli hücumameyilli yarımmüdafiəçinin transferini istəyib. "Qırmızı şeytanlar" yayda Fransa klubu ilə müqaviləsi başa çatan 24 yaşlı futbolçu ilə danışıqlara başlayacaq.
Qeyd edək ki, Anxel Qomes "Mançester Yunayted"in yetirməsidir. İngiltərə millisinin üzvü 2021-ci ildən "Lill"də çıxış edir. O, cari mövsümdə Liqa 1 təmsilçisinin heyətində meydana çıxdığı 19 rəsmi matçda 2qol və 1 məhsuldar ötürmə ilə yadda qalıb.
