Sport24.az
"Mançester Yunayted"in baş məşqçisi Ruben Amorim hazırkı mövsüm üçün hədəflərindən danışıb. Sport24.az insayder Fabrizio Romanoya istinadən xəbər verir ki, mütəxəssis deyib:
"İnsanlar Avropa Liqasına qalib gələ biləcəyimiz unikal turnir kimi baxır. Həmçinin bunu Çempionlar Liqasına vəsiqə qazanmaqla əlaqələndirirlər. Amma düzünü desəm, düşünürəm ki, biz daha böyük şeylər haqda düşünməliyik. Bilirəm ki, qəribə səslənir, amma biz burada nəyisə qurmaq istəyirik. Bu, hazırkı durumda titul qazanmaqdan daha önəmlidir".
Qeyd edək ki, "Mançester Yunayted" Avropa Liqasının 1/8 final mərhələsində "Real Sosyedad"la qarşılaşacaq. Sözügedən matç sabah, Bakı vaxtı ilə 21:45-də başlayacaq.
