Idman.biz
"Daily Mail" qəzetinin məlumatına görə, yarımmüdafiəçilər Kobbi Maynu və Manuel Uqarte, eləcə də hücumçu Coşua Zirkzee, Ruben Amorim klubda qalacağı təqdirdə "Mançester Yunayted"dən ayrılmağa hazır imişlər.
İdman.Biz bildirir ki, yanvarın 5-də "qırmızı şeytanlar" portuqaliyalı menecerlə münasibətlərinə son qoyduqlarını açıqlayıblar. O, 2024-cü ilin noyabr ayından "Mançester Yunayted"ə rəhbərlik edirdi.
Mənbənin məlumatına görə, Amorim meydandan kənarda "emosional vulkan" imiş. Klub rəhbərliyinin menecerin qovulmasından əvvəl belə davranışından narazı olduğu vurğulanır. Xüsusilə, o, 2025-ci ilin yanvarında komandasının tarixin ən pis "Mançester Yunayted"i olduğunu bildirəndə bu sözlər klubun oyunçularını da sevindirməyib.
