top
Amin Rzayevi nə gözləyir: “Portu”, “Sportinq”, yoxsa...? - ARAŞDIRMA (Azerbaijani) Idman.biz
Dünən, 11:00
- +

Amin Rzayevi nə gözləyir: “Portu”, “Sportinq”, yoxsa...? - ARAŞDIRMA (Azerbaijani)

Misli Premyer Liqasının XXXIII turu 16 yaşı tamam olmayan Amin Rzayevin debütü ilə əlamətdar olub. "Qarabağ"ın gənc cinah müdafiəçisi son 15 ildə Premyer Liqa matçına çıxan 6-cı yeniyetmə oyunçu olub.

İdman.biz xəbər verir ki, 2010-25-ci illərdə debüt edən digər 15 yaşlı futbolçuların karyeraları heç də uğurlu alınmayıb.

Düzdür, onlardan bəziləri millinin formasını da geyiniblər. Amma 1-2 matçdan artığına gücləri çatmayıb.

Kriştiano Ronaldonu yetişdirən klubda


PFL-in açıqladığı son 15 ilin ən azyaşlı debütantları sırasında rekordçu olan Budaq Nəsirov digərləri ilə müqayisədə daha uzaqlara gedə bilib. "İkinci eşelon"da, Portuqaliyada legioner həyatı yaşayan istedad Kriştiano Ronaldonu yetişdirən "Sportinq"ə də transfer olunub. Klubun ikinci komandasında 2 mövsüm keçirən yarımmüdafiəçi bundan artığına nail olmayaraq sonradan vətənə dönüb. Karyerasına "Turan"da başlayan Budaq ölkədə "Araz-Naxçıvan", "Sumqayıt", "Kəpəz" və "Zirə" forması da geyindikdən sonra Tovuza, bu dəfə "Turan Tovuz"a qayıdıb. Burada özünü göstərə bilməyən, problemlər yaşayan, əvəzedici komandaya göndərilən, diskvalifikasiyalarla üzləşən Nəsirov ötən il - 28 yaşında futbol səhnəsindən itib. Onun hesabında millidə 1 oyun var.

"Rəvan"a bağlı rəvan olmayan karyera
Siyahıda 2-ci olan Anar Həsənov isə çoxlarına tanış da deyil. Düzdür, bu ad-soyadla digər futbolçu da olub. 1997-ci il təvəllüdlü Anar digərindən 14 yaş kiçikdir. 2012/13 mövsümündə "Rəvan"da debüt edən, sonradan 2-ci matçına da çıxan yarımmüdafiəçi növbəti 3 mövsüm Bakı klubunda qalıb. Amma sonrakı illərdə yalnız 1 kubok oyununa çıxıb. Peşəkar karyerası 4 matçla kifayətlənən Anar "Rəvan"la birlikdə futboldan uzaqlaşıb.

"Neftçi"nin qənimi


Siyahıda yer alan daha bir istedad Portuqaliyada olub. Hətta daha sanballı "Porto"ya yolu düşən Orxan Əliyev əvəzedici komandada baxışda olsa da, bəyənilməyib. İllər sonra legioner həyatı yaşayan yarımmüdafiəçi qısa müddətdə Gürcüstanda aşağı liqa təmsilçisi "Sioni"də çıxış edib. Azərbaycanda "Sumqayıt", "Xəzər Lənkəran", "Kəpəz", "Zirə", "Araz-Naxçıvan"da oynayan futbolçu ötən mövsüm sonuncuların heyətində "Neftçi"yə üç qol vurmaqla yadda qalıb. Bir müddət I divizionda da oynayan Orxan hazırda "Turan Tovuz"da əsas heyətə düşmək üçün mübarizə aparır. Orxan Azərbaycanın əsas millisinə dəvət alsa da, debüt imkanı qazanmayıb.

"Şəfa"da şəfa axtarışında


Elnur Cəfərovun da karyerası erkən debüt edən və ümidləri tam doğrultmayan digər oyunçulara bənzəyir. 28 yaşlı futbolçu əksər sabiq tanınmışların toplaşdığı II Liqada çıxış edir. Qışda I Liqa klubu "İmişli"ni II Liqa klubu "Şəfa"ya dəyişən yarımmüdafiəçi yeni klubu ilə bir dəstə yuxarı yüksəlməyi bacarıb. Ötən mövsüm Premyer Liqada - "Kəpəz"də forma geyinən Elnurun da karyerasında millidə 1 oyun və alınmayan legioner həyatı var. Onun da yolu Budaq və Orxan kimi Portuqaliyadan keçib. Aşağı liqa klubu "Tondela" ilə 1 illik müqavilə imzalayan Cəfərovun anlaşmasına qısa müddət sonra xitam verilib. Xorvatiyanın aşağı dəstəsindəki "Duqopolye" də Elnur üçün tramplin olmayıb. Azərbaycanda "Xəzər Lənkəran", "Neftçi", "Şamaxı" və "Kəpəz"də, həmçinin I Liqa təmsilçisi "Qaradağ Lökbatan"da oynayan futbolçu istedadını tam aça bilməyib.

Hələ ümid var


Aminə qədər 16 yaşı olmadan Premyer Liqada debüt edən sonuncu futbolçu Səbuhi Abdullazadə idi. Artıq 8 mövsümdür "Sumqayıt"da çıxış edən yarımmüdafiəçi klubuna sadiqliyi ilə seçilir. Digərləri kimi legioner həyatı yaşamasa da, aşağı dəstə klublarına da keçməyib. Millidə bu il debüt edən və 2 matça çıxan Səbuhi hələlik ölkənin iddialı komandaları səviyyəsinə çatmayıb. Amma yarımmüdafiəçinin qarşıdakı illərdə ya iddialı klubda, ya xaricdə özünü göstərməsi üçün az da olsa şans qalmaqdadır.

FİFA agenti: "Amin şanslı futbolçulardandır ki, "Qarabağ"dadır"
Erkən yaşlarında Premyer Liqa həyəcanı yaşayanların böyük uğurlar qazana bilməməsinə Azərbaycanın tanınmış FİFA agentlərindən olan Vaqif Heydərli ilə aydınlıq gətirdik. Təcrübəli futbol mütəxəssisi bunu əsasən yaş dövrü ilə əsaslandırıb: "Premyer Liqada 15 yaşında debüt edənlərdən danışarkən ilk növbədə onu deyim ki, bu yaş insan həyatında keçid dövrüdür. Müşahidə etsək görərik ki, 15-16 yaşına qədər çox yaxşı təsir bağışlayan, hamının təriflədiyi, amma sonradan zəifləyən futbolçular olub. Yaxud da əksinə, o yaşa qədər heç kimin tanımadığı futbolçular sonra artırmağa başlayırlar. İnsan həyatı da belədir, keçid dövrü var, özü də, səsindən tutmuş digər komponentlər də dəyişir. Bu yaşlarda çox dəyişiklik baş verir. Həmin vaxt kimin inkişaf edib-etməməyi rol oynayır, ətrafı, komanda, verilən dəstək kimi amillər çox önəmlidir".

Heydərli erkən debütün futbolçuların gələcək karyeralarını "yandırması" fikri ilə tam razılaşmır: "Yandırır, deməyək. Bu da, müxtəlif amillər də ola bilər. Bu, fərdi məsələdir, insana görə dəyişir. Bəzisində belə ola bilər, digərlərində başqa. Hamısı barədə erkən oynamaqları onları yandırdı desək doğru olmaz".

FİFA agenti "Qarabağ"ın heyətində debüt edən Amin Rzayevin karyerasının daha uğurlu olacağına inanır: "Hər futbolçumuz kimi Aminə uğurlar arzulayırıq. İnşallah, karyerası uğurlu olar. O, şanslı futbolçulardandır ki, "Qarabağ"dadır, ətrafında təcrübəli futbolçulardır, yaxşı kollektiv, yaxşı baş məşqçi. İnanırıq ki, o, belə problemləri yaşamayacaq və karyerası uğurlu olacaq".

Vüqar Xeyrullayev
İdman.biz

İş Elanları
Qarabağ FK

Son xəbərlər

Futbol
Bu gün, 01:46

"Qarabağ" Çempionlar Liqasında mübarizəyə təsnifat mərhələsindən başlayacaq

Futbol
Bu gün, 01:36

İtaliya mətbuatı: "Napoli" və "Liverpul" De Bröyne ilə maraqlanırlar

Futbol
Bu gün, 01:23

İngilislərin qəniminə çevrilən PSJ

Futbol
Bu gün, 01:01

PSJ finalda "İnter"lə qarşılaşacaq

Futbol
Bu gün, 00:56

Çempionlar Liqasında sonuncu finalçı bəlli olub

Futbol
Bu gün, 00:55

PSJ Çempionlar Liqasının finalında - TƏZƏLƏNİR - VİDEO

Futbol
Bu gün, 00:38

PSJ-“Arsenal” matçında üçüncü qol - YENİLƏNİR - VİDEO

Futbol
Bu gün, 00:32

PSJ-nin ikinci qolu - AKTUAL - VİDEO

Futbol
Bu gün, 00:29

PSJ penaltini qaçırdı - YENİLƏNİB - VİDEO

Futbol
Bu gün, 00:26

Emmanuel Hakman: "Hələ də ümidimiz var"

Futbol
Bu gün, 00:04

PSJ hesabı açdı - YENİLƏNİR

Boks
Dünən, 23:49

Rafael Fiziyev etiraf etdi: "Mən sadəcə buna layiq deyildim"

Futbol
Dünən, 23:28

PSJ hesabı açdı - XƏBƏR YENİLƏNİR

Güləş
Dünən, 23:21

Azərbaycan yunan-Roma güləşçiləri Türkiyədə iki medal əldə edib

Digər
Dünən, 23:17

Stend atıcılığı üzrə Azərbaycan Kubokuna start verildi

Futbol
Dünən, 23:00

PSJ "Arsenal"la qarşılaşacaq - AKTUALDIR

Futbol
Dünən, 22:51

Klaudio Ranyeri İtaliya A Seriyasının ən yaxşı məşqçisi seçildi

Güləş
Dünən, 22:43

"Çempionlar" turnirində daha iki medal

Futbol
Dünən, 22:35

"Tottenhem"in futbolçusu zədə səbəbindən mövsümün qalan hissəsində oynamayacaq

Futbol
Dünən, 22:25

"Barselona" "İnter"in müdafiəçisini transfer etməkdə maraqlıdır

Futbol
Dünən, 22:19

Məğlubedilməz məşqçi ən yaxşı seçildi

Futbol
Dünən, 22:00

PSJ "Arsenal" ilə qarşılaşacaq

Futbol
Dünən, 21:56

"Beşiktaş" 20 yaşlı futbolçu üçün müzakirələrə başlayıb

Futbol
Dünən, 21:44

Raffaele Palladino daha iki il "Fiorentina"da qalacaq

Oxşar xəbərlər

Sportnews.az — Azərbaycanın və dünyanın idman xəbərləri, ən son nəticələr və hadisələr

Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.

Saytımızda siz tapa bilərsiniz:

  • Futbol: yerli və beynəlxalq liqalar, xüsusi diqqət — "Qarabağ" FK

  • Tennis, şahmat, gimnastika, voleybol, basketbol

  • Döyüş növləri: boks, güləş, cüdo

  • Formula 1 və Olimpiya Oyunları

  • Eləcə də diqqətəlayiq digər idman növləri

Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.

Niyə məhz Sportnews.az:

  • Yalnız aktual və etibarlı xəbərlər

  • Azərbaycan və dünya idmanının tam əhatəsi

  • Rahat struktur, müntəzəm yenilənmələr, obyektiv baxış

Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.