Sport24.az
Müdafiəçi Alvaro Karreras "Benfika"nı "Real"a dəyişdi. Sport24.az xəbər verir ki, bu barədə insayder Fabrisio Romano X sosial şəbəkəsində (keçmiş Twitter) məlumat verib.
Mənbənin sözlərinə görə, "Real" 22 yaşlı futbolçu üçün tibbi müayinə təyin edib, "Benfika" isə transferi təsdiqləyib.
Bir müddət əvvəl mətbuatda sövdələşmənin 50 milyon avro dəyərində olacağı bildirilirdi. Bununla belə, "Kral klubu" müqavilə üzrə təzminatın birdəfəlik ödənilməsi əvəzinə ödənişin bir neçə mərhələdə həyata keçirilməsi ilə razılaşa bilib.
Qeyd edək ki, Karreras ötən mövsüm bütün turnirlərdə 52 matça çıxıb, 4 qol vurub və 5 məhsuldar ötürmə verib.
