Idman.biz
Türkiyənin "Altay" klubunun 16 yaşlı orta sahə oyunçusu Osman Utkan Gülalanın adı qış transfer dövründə "Qalatasaray"la hallandırılıb, lakin İzmir təmsilçisi futbolçunu satmaqdan imtina edib.
İdman.Biz xəbər verir ki, klubun prezidenti Sinan Kanlı bu barədə Türkiyə mediasına açıqlamasında bildirib ki, gənc futbolçu üçün "Qalatasaray"dan rəsmi təklif gəlsə də, transferin baş tutmasına icazə verilməyib.
Kanlı qeyd edib ki, rəhbərlik Osman Utkan Gülalanı klubun gələcəyi üçün vacib layihə kimi görür və məhz buna görə onunla peşəkar müqavilə imzalanıb.
Altay rəhbərliyi gənc yarımmüdafiəçinin inkişafını klub daxilində davam etdirməyi və gələcəkdə daha yüksək idman və bazar dəyərinə çatdırmağı planlaşdırır.
