Idman.biz
"Real Madrid"in baş məşqçisi Xabi Alonso hücumçu Kilian Mbappeni Çempionlar Liqasının altıncı turunda "Mançester Siti" ilə qarşılaşmada start heyətində saxlamamaq qərarının səbəbini izah edib.
İdman.Biz xəbər verir ki, Alonso Mbappenin oyun öncəsi özünü yaxşı hiss etmədiyini bildirib.
"Mbappe oynamağa hazır deyil. Görək matçın sonunda meydana çıxa biləcək, ya yox. Amma o, özünü yaxşı hiss etmirdi. Məsələ onun 100% nəticə verə bilməməsi və ya lazımsız risk etmək istəməməsi deyil. Risk var və biz bunu qiymətləndirməliyik.
Aydındır ki, Kilian Kiliandır, amma Qonsalo Qarsiya (Torres) da bizə çox şey qazandıra bilər. Hər vəziyyətdə fürsətlər yaranır. Qonsalo həmişə hazır olub, o, bunu artıq sübut edib. Biz ona tam inanırıq, - Alonsonun sözlərini "Movistar"a istinadən AS nəşri yayıb.
