Sport24.az
"Leyptsiq"in baş məşqçisi Marko Rouz istefaya göndərilib. Sport24.az Almaniya klubunun mətbuat xidmətinə istinadən xəbər verir ki, onunla birlikdə köməkçiləri də komandanı tərk edib.
48 yaşlı məşqçi 2022-ci ilin payızından Almaniya komandasına rəhbərlik edib. Onun rəhbərliyi altında komanda ölkə kubokunu və superkuboku qazanıb.
Qeyd edək ki, "Leyptsiq" 27 turdan sonra 42 xal toplayaraq turnir cədvəlinin 7-ci pilləsində qərarlaşıb. Komanda Bundesliqanın növbəti oyununda "Hoffenhaym"la qarşılaşacaq.
