Idman.biz
DÇ-2026-nın Cənubi Amerikadakı seçmə turnirinin 16-cı turunda Çili millisi Boliviyaya 0:2 hesabı ilə məğlub olub.
İdman.biz xəbər verir ki, bununla da Aleksis Sançes və Arturo Vidalın çıxış etdikləri komanda mundiala çıxmaq şanslarını itirib və ardıcıl üçüncü dünya çempionatını buraxacaq.
16 oyundan sonra Çili 10 xalla turnir cədvəlinin sonuncu - 10-cu pilləsində qərarlaşıb.
Cənubi Amerika zonasında ilk altı komanda mundiala birbaşa vəsiqə qazanır, 7-ci yeri tutan isə qitələrarası pley-offda oynayacaq.
Çili millisinə gəlincə, DÇ-2010 və DÇ-2014-də 1/8 finala çıxmağı bacaran komanda ondan sonrakı üç mundialın seçmə mərhələsində 6-cı yerdən yuxarı nəticə göstərməyib:
DÇ-2018: 6-cı yer
DÇ-2022: 7-ci yer
DÇ-2026: 10-cu yer
Bu üç seçmə turnirdə çilililər mümkün 156 xaldan cəmi 55 xal qazanıblar ki, bu da cəmi 35% təşkil edir.
İdman.biz
