Idman.biz
"Sevilya"nın hücumçusu Aleksis Sançes sevindirici ailə xəbəri ilə gündəmə gəlib.
İdman.Biz xəbər verir ki, 37 yaşlı futbolçu sosial şəbəkə hesabında yeni doğulan qızının ilk fotolarını paylaşıb.
Uşağın anasının rusiyalı model Aleksandra Litvinova olduğu bildirilib.
Sançes paylaşımında karyerası boyunca bütün diqqətini futbola yönəltdiyini, bu səbəbdən yaxınları və dostları ilə az vaxt keçirdiyini qeyd edib.
Çilili hücumçu məhz indi taleyin ona şəxsi həyatını köklü şəkildə dəyişə biləcək bir hədiyyə verdiyini vurğulayıb.
O, Çilidəki azarkeşlərinə daim göstərdikləri dəstəyə görə təşəkkür edib.
Adətən şəxsi həyatını diqqət mərkəzində saxlamağı sevmədiyini bildirən Sançes bu xoşbəxtliyi azarkeşlərlə bölüşməyi vacib saydığını qeyd edib.
Qeyd edək ki, Hazırda Aleksis Sançes İspaniyanın "Sevilya" klubunda çıxış edir.
