Sport24.az
"Çox inanılmaz bir oyun idi. Azarkeşlərin dəstəyi də möhtəşəm oldu". Sport24.az xəbər verir ki, bu sözləri "Qarabağ"ın futbolçusu Aleksey Kaşuk deyib.
Yarımmüdafiəçi Bakıda Danimarka təmsilçisi "Kopenhagen"ə qalib gəldikləri UEFA Çempionlar Liqasının əsas mərhələsinin II turunun oyunu ilə bağlı fikirlərini bölüşüb:
"Çenpionlar Liqasındakı nağılımız davam edir. Bundan sonra da azarkeşlərimizi daha çox sevindirməyə çalışacağıq".
Ukraynalı legioner öz oyunu haqqında o qədər də danışmaq istəmədiyini söyləyib:
"Ümumiyyələ komandanın son iki matçdakı performansı yüksək səviyyədədir. Biz də məhz bunun üçün çalışırıq. Kollektivdə hər şey alınırsa, bizdə də alınır".
Kaşuk Liqa mərhələsindəki növbəti matçlara da ciddi hazırlaşacaqlarını vurğulayıb:
"Oyundan-oyuna bizdən gözləntilər daha da artır. İlk qələbədən sonra da belə olmuşdu. Məşqçilər heyəti səhvlər barədə bizə məlumat verəcək. Hələ qarşıda çempionat matçımız da var".
