Idman.biz
Aleksey İsayev "Sabah"in heyətində 100-cü çempionat oyununu keçirib.
İdman.Biz Peşəkar Futbol Liqasının rəsmi saytına istinadən xəbər verir ki, 30 yaşlı yarımmüdafiəçinin yubileyi Misli Premyer Liqasının XI turuna təsadüf edib.
O, "Kəpəz"lə səfər görüşündə sonradan meydana çıxıb.
2020-2023-cü illərdə də "Sabah"da oynayan, cari mövsümün gedişində kluba dönən Aleksey 100 oyunda 11 qol vurub.
Qeyd edək ki, İsayev "Sabah"dan başqa "Sumqayıt" və "Qarabağ"da da çıxış edib. O, Premyer Liqada ümumilikdə 182 oyunda 12 dəfə fərqlənib.
