Sport24.az
"Kəpəz"lə matçda məqsədimiz qələbə idi ki, sonda istəyimizə çatdıq. Daha çox fərqlənmək imzanımız olsa da, yalnız üçünü dəyərləndirə bildik. Fikrimcə, indiki vəziyyətdə əsas olan hesabımıza növbəti 3 xalı yazmaq idi". Bu sözləri Sport24.az-a açıqlamasında "Qarabağ"ın futbolçusu Aleksey İsayev deyib.
28 yaşlı yarımmüdafiəçi gələn həftə baş tutacaq"Ludoqorets"lə səfər oyununda yalnız qələbəyə kökləndiklərini də bildirib: "Bakıda rəqibdən üstün oyun sərgilədik. Təəssüf ki, yaratdığımız qol şanslarının yalnız birindən yararlana bildik. Əvəzində qapımızda iki asan qol gördük. Amma nikbinik, hələ heç nə bitməyib. Sona qədər mübarizə aparacağıq. Səfərə yalnız qələbı dalınca gedirik. Buna inanırıq, azarkeşlərimizin də bizə inanıb yanımızda olub dəstək vermələrini gözləyirik".
Qeyd edək ki, Premyer Liqanın II turunda Ağdam təmsilçisi "Kəpəz" üzərində 3:0 hesabı qələbəyə sevinib.
ABDULLA İSMAYILOĞLU
