Idman.biz
"Sumqayıt"ın hücumçusu Aleksandr Ramalinqomun Sport24.az-a müsahibəsi
– "İmişli"yə məğlubiyyəti şərh edərdiniz...
– Qubadakı meydançanın vəziyyəti ürəkaçan deyil. İstədiyimiz oyunu sərgiləmək çətin oldu. Qol imkanlarımız olsa da, onlardan yararlana bilmədik və rəqib hesabı açdı.
– Nəticəni nəyə bağlayırsınız?
– Bu, müəyyən mənada bəxtsizlik idi. Komanda olaraq daha çox çalışacağıq. Futbolda əsas məsələ daim diqqətli qalmaqdır.
– Qol vurmağa nə mane olurdu?
– Oyuna diqqətlə baxsaq görərik ki, bir çox futbolçu sürüşürdü. Keyfiyyətli butslarla belə bu hal müşahidə olunurdu. Topa nəzarət etmək və ya istiqaməti dəyişmək olduqca çətin idi.
– Məğlub olsanız da, "İmişli"nin protokol qaydalarına əməl etmədiyi üçün 3 xal sizin komandanın aktivinə yazılacağı gözlənilir...
– Texniki məğlubiyyətin, 3 xalın verilib-verilməməsi AFFA-nın qərarından asılı olacaq. Onlar müəyyən edəcəklər ki, bu, səhv olub, ya yox.
- Növbəti turda rəqib "Neftçi"dir. Gözləntiləriniz necədir?
- "Neftçi" çox güclü komandadır. Bununla belə, onlara qalib gələ bilərik. Əlimizdən gələnin maksimumunu edəcəyik.
İdman.biz
