Idman.biz
"Nyukasl"ın isveçli hücumçusu Aleksandr İsak hazırkı klubunda bir daha oynamaq istəmədiyinə əmindir.
İdman.biz xəbər verir ki, bu barədə jurnalist Ben Ceykobs sosial şəbəkə hesabında məlumat verib.
Daha əvvəl "Nyukasl"ın rəhbərliyi futbolçunu bu yay transfer pəncərəsində satmaq niyyətində olmadığını açıqlamışdı.
Mənbənin məlumatına görə, 25 yaşlı hücumçu hesab edir ki, onun "Nyukasl"dakı karyerası artıq başa çatıb. Bildirilir ki, klub hər ehtimal "Liverpul"un hücumçuya maraq göstərməsi və oyunçunun özünün də ayrılmaq istəyi fonunda ona əvəz axtarır.
Qeyd edək ki, 2024/25 mövsümündə İsak bütün turnirlərdə ümumilikdə 42 oyuna çıxıb, 27 qol vurub və 6 məhsuldar ötürmə edib. "Transfermarkt"ın qiymətləndirməsinə əsasən, futbolçunun bazar dəyəri 120 milyon avro təşkil edir.
İdman.biz
