Idman.biz
"Karyeramda önəmli dövrü başa vururam".
İdman.Biz xəbər verir ki, bu sözləri "Turan Tovuz"un sabiq futbolçusu Aleks Souza şəxsi "Instagram" hesabındakı paylaşımda qeyd edib.
Braziliyalı forvard Azərbaycan təmsilçisindən ayrıldıqdan sonra yeni klubuna transferi ilə bağlı fikirlərini bölüşüb:
"Bu müddət ərzində yaşadığım hər şeyə, mənə verilən fürsətə və etibara görə "Turan Tovuz"a çox minnətdaram. Hər zaman yanımda olan klubun İdarə Heyətinə, məşqçilərə, komanda yoldaşlarıma və azarkeşlərə təşəkkür edirəm. Özümlə təcrübələr, peşəkar inkişaf və əbədi qalacaq xatirələr aparıram. Kluba uğurlar, növbəti çətinliklərə hazır olmağı arzulayıram. Hər şey üçün təşəkkür edirəm".
Qeyd edək ki, Aleks Souza 2024-cü ilin yanvarından "Turan Tovuz"da çıxış edirdi.
