Idman.biz
"Turan Tovuz"un braziliyalı hücumçu Aleks de Souza ilə yollarını ayırdığı iddia olunub.
İdman.Biz sportinfo.az-a istinadən xəbər verir ki, 24 yaşlı "sambaçı"nın karyerasını bundan sonra Çində davam etdirəcəyi deyilir.
Məlumata görə, Qərb təmsilçisi bu transferdən müəyyən məbləğdə gəlir əldə edib. Hərçənd klubun ilkin gözləntiləri tam qarşılanmayıb. İddialara əsasən, "Turan" adı açıqlanmayan Asiya klubundan əvvəlcə 500 min dollar təzminat tələb edib. Lakin yekunda tərəflər 350 min dollar qarşılığında razılığa gəliblər.
Qeyd edək ki, cənubi amerikalı futbolçu Azərbaycana 2024-cü ilin yanvarında transfer olunub. O, "Turan Tovuz" forması ilə meydana çıxdığı 68 oyunda 20 qol vurub, 12 məhsuldar ötürmə ilə yadda qalıb.
