Idman.biz
Qazaxıstanın "Aktobe" klubunun U-16 komandasının müdafiəçisi Aron Musa faciəli şəkildə həyatını itirib.
İdman.Biz xəbər verir ki, bu barədə məlumatı klubun mətbuat xidməti yayıb.
Bildirilib ki, mənzilə gələn hüquq mühafizə orqanlarının əməkdaşları 15 yaşlı Aronla bərabər onun nənəsi və əmisi oğlunun da cəsədlərini aşkar ediblər.
"Hüquq mühafizə orqanlarının əməkdaşları tərəfindən bütün zəruri istintaq hərəkətləri aparılır. Məhkəmə-tibbi ekspertiza təyin olunub. Hadisənin səbəbləri və başvermə şəraiti araşdırılır" - Aktobe vilayətinin Fövqəladə Hallar Departamentinin məlumatında qeyd olunur.
Qeyd edək ki, Aron Musa bu mövsüm "Aqtobe"nin U-16 komandasında 6 oyuna çıxıb və bir məhsuldar ötürmə ilə yadda qalıb.
