Sport24.az
"Bu çempionatda yeni komandayıq. Komandamız əlindən gələni edir, azarkeşlərimizə sevinc bəxş etmək istəyirik". Bu sözləri Sport24.az-a açıqlamasında İkinci Liqa təmsilçisi"Ağstafa Gəncləri" komandasının futbolçusu Zöhrab Bayramov deyib.
Gənc futbolçu komandasının ilk üç turda məğlub olmasının səbəbini açıqlayıb:
"Fanatlara da təşəkkür edirəm, hər matçda bizə dəstək olurlar. Bu klubu yüksəklərə qaldırmaq üçün çalışırıq. İlk mövsümdə əsas məqsəd II Liqada yerimizi qorumaqdır. İlk üç oyunumuz liderlər qrupunda yer alan kollektivlərə qarşı olub. Onların hamısı birinci yer uğrunda mübarizə aparırlar. Buna baxmayaraq, sonadək mübarizə apardıq. Komandama da bunun üçün təşəkkür edirəm. Məndə həyəcan yox idi. Qol vurmaq üçün çalışdıq. "Xankəndi"yə qarşı bacardığımı etmək istəyirdik".
Qeyd edək ki, "Ağstafa Gəncləri" İkinci Liqada 3 turdan sonra xal qazana bilməyib.
