Sport24.az
"Məncə, bütün klublarımızın həmişə güclənməyə ehtiyacı var. Fərqi yoxdur, autsayder olsun və ya lider". Bu sözləri Sport24.az-a açıqlamasında tanınmış agent Tural Əsgərov deyib.
O, ölkə klublarının qış transfer dönəmində çalışmalarını dəyərləndirib:
"Komandaya yeni nəfəsin, "qan"ın gəlməsi yalnız fayda verə bilər. Amma bildiyiniz kimi yayla müqayisədə qışda istədiyin oyunçunu tapmaq çətindir. Məhz bu səbəbdən də klublarımız qış transfer dönəmində elə də aktiv gözə çarpmır".
Əsgərov "sizcə, niyə klublarımız "Araz-Naxçıvan"dan ayrılan millimizin sabiq futbolçusu Qara Qarayevə maraq göstərmir" sualını da cavablandırıb:
"Bildiyim qədər Qara Qarayevin bir neçə təklifi var. Yəqin ki, bunlar onu qane edən təkliflər deyil. Futbolçu özü müəyyənləşdirəcək ki, karyerasını davam etdirsin və ya butslarını mismardan assın".
