Sport24.az
"Sabah" çempionatı başqa məşqçi ilə bitirdi, avrokuboklara isə fərqli məşqçi ilə hazırlaşdı. Bu səbəbdən yeni çalışdırıcının vaxt az idi". Bu sözləri Sport24.az-a açıqlamasında Ağasəlim Mircavadov deyib.
Təcrübəli mütəxəssis Bakı təmsilçisinin bu gün Sloveniyada "Çelye"yə qarşı keçirəcəyi Avropa Liqasının I təsnifat mərhələsinin cavab oyunu ilə bağlı fikirlərini bölüşüb:
"İlk oyunda 60-cı dəqiqəyə qədər "Sabah" hərəkətli idi. 60-dan sonra komanda yoruldu. Geridə qalan bir həftə ərzində fiziki durumu dəyişmək çətindir. "Çelye" təmsilçimizdən üstün deyildi. Bəli, oyun üslubu var idi, oturmuş heyətləri olduğu hiss olunurdu. "Sabah" isə yalnız istəyin hesabına uğurlu nəticə əldə edə bilər. Ən əsası səhvlər olmasın. Bizə vurulan qollarda müdafiəçilər kobud xətalarla yadda qaldılar. Bir var rəqib səni məcbur edir, bir də var sən özün oyunçunu düzgün bağlamırsan, boşluqlar verirsən. Hazırda "Sabah"da əks hücumlardan istifadə edəcək futbolçular var. Tələsmək lazım deyil. Topla çox oynamaq lazımdı. Rəqibi hirsləndirmək lazımdı ki, səhvlər etsinlər".
Qeyd edək ki, "Çelye" - "Sabah" oyunu bu gün Bakı vaxtı ilə saat 22:00-da start götürəcək. Azərbaycandakı ilk matçda qonaqlar qələbəyə seviniblər - 3:2.
