Sport24.az
"Əslində Şamaxı uzaq deyil. Sadəcə, qarlı havada ora gedib çatmaq lazımdır. Mənə xəbər verdilər ki, rayona dəhşət qar yağıb". Bu sözləri Sport24.az-a açıqlamasında AFFA-nın Məşqçilər Komitəsinin üzvü Ağasəlim Mircavadov deyib.
Təcrübəli mütəxəssis həftəsonu "Şamaxı" - "Turan Tovuz" oyunundan öncə qərb təmsilçisinin yayımın və VAR-ın olmaması ilə bağlı narazılığına münasibət bildirib:
"Hər şeyi bəhanə etmək lazım deyil. Əsas nədir? Stadion hazır olsun. Düzdür, indiki məqamda VAR lazımdır. Amma hadisədir olub. Qar yağıb, texniki maşınlar ora gedə bilməyib. Biz əvvəllərdə belə havada futbol oynamışıq. 1968-ci ildə ÇSKA-ya qarşı oyunda mən də meydanda idim. AFFA yaydığı məlumatda düz qeyd olunub. Futbolu bu cür bəyanatlara gözdən salmaq lazım deyil. Futbol təmiz oyundur, oynamaq lazımdır".
Qeyd edək ki, "Şamaxı" - "Turan Tovuz" oyunu qonaqların 0:1 hesablı qələbəsi ilə başa çatıb.
