Sport24.az
"Cavid Hüseynovu dəvət edirlər, mövsüm bitməmiş niyə yola salırlar?" Bu sözləri Sport24.az saytına açıqlamasında AFFA Məşqçilər Komitəsinin üzvü Ağasəlim Mircavadov deyib.
"Səbail"in baş məşqçisi Cavid Hüseynovun İstefasına münasibət bildirən mütəxəssis onun belə açıqlama verməsinin düzgün olmadığını qeyd edib:
"Baş məşqçi ailənin böyüyüdür. Ailənin isə ən böyükü klubun prezidentidir. Ailənin sirrini çölə çıxartmaq lazım deyil. İş birliyini gəldikdə isə, mənim fikrimcə qalıb işləməli idi. Komanda qalib gəlirsə, sponsor 500 manat mükafat verirsə, deməli rəhbərlik "ayağı yorğana görə uzadır". Yenə deyirəm, ailənin sirrini çölə çıxartmaq lazım deyildi. Biz belə işləmişik. Elə olub ki, aylarla maaş almamışıq, amma özümüzü saxlamışıq. Bu hadisələr olmasaydı, Cavid Hüseynov axıra qədər qalıb işləməli idi. Rəhbərlik belə qərar veribsə, mən heç nə deyə bilmərəm".
Xatırladaq ki, "Səbail" ötən gün Cavid Hüseynovla yollarını ayırıb.
