Idman.biz
Əvəzedicilər liqasında XXXVI turun "Sabah-2" – "Neftçi-2" oyununda yaşananlara hüquqi qiymət verilib.
İdman.biz xəbər verir ki, bu barədə qərarları AFFA-nın İntizam Komitəsi verib.
Matçın 90+3-cü dəqiqəsində "Sabah-2"nin analitiki Cəbrayıl Qəmbərov oyun zamanı meydançaya kənar əşya atdığına görə birbaşa qırmızı vərəqə alıb. O, 4 oyun cəzalanıb, klub 350 manat cərimələnib.
Görüş bitdikdən sonra meydançaya kənar şəxslər daxil olduğuna görə "Sabah-2" 80 manat cərimə edilib.
"Neftçi-2" 4 sarı vərəqə aldığı üçün 70 manat ödəyəcək.
"Neftçi-2"nin futbolçusu Ağadadaş Salyanski təcavüzkar davranışa görə birbaşa qırmızı vərəqə aldığı üçün 4 oyun cəzalanıb. Klub 300 manat cərimə olunub.
İdman.biz
