Sport24.az
Azərbaycan milli komandasının sabiq üzvü Ağabala Ramazanov məşqçiliyə başlayacaq. Sport24.az xəbər verir ki, Ramazanovun ilk iş yeri "Zirə" olacaq.
Daha əvvəl futbolçu kimi "qartallar"ın uğurları üçün çalışmış Ağabala "Zirə"də məşqçi kimi işləyəcək. Onun qəsəbə təmsilçisinin futbol akademiyasında aşağı yaş qruplarından ibarət komandalarının birinə rəhbərlik edəcək.
Qeyd edək ki, Ağabala son olaraq "Səbail"də oynayıb. Amma o, bu klubun heyətində aldığı zədəyə görə aktiv futbolçu karyerasını başa vurmağa qərar vermişdi. Qısa müddət əvvəl ötən mövsüm sonu karyerasını bitirən başqa bir eks futbolçu Maksim Medvedevlə birlikdə məşqçilik kurslarına qatılan Ramazanov karyerası ərzində "Neftçi", "Xəzər Lənkəran", "Sumqayıt", "İnter"(indiki "Şamaxı"), "Qarabağ", "Səbail" klublarında çıxış edib. O, Azərbaycan millisində 18 oyuna çıxıb 1 qol vurub.
