Milli komandaların iştirakı ilə keçirilən oyunlar Azərbaycan yığmasının FİFA reytinqinə təsir edəcək.
İdman.biz xəbər verir ki, onlayn cədvəldə komandamız daha iki addım geriləyib.
Buna Sudan və Qvineya-Bissau yığmaları səbəb olub. Afrika təmsilçiləri xal hesablarını artırmaqla millimizi keçib.
Buna qədər Livan, Zimbabve və Komor adalarından da geri düşən komandamız artıq cədvəldə 118-cidir. Millimizin hesabında 1161,79 xal var. Bununla da ötən FİFA reytinqində 113-cü olan yığmamız ümumilikdə 5 pillə geri düşüb.
Qeyd edək ki, FİFA rəsmi cədvəlini oktyabrın 14-də açıqlayacaq.
İdman.biz