Idman.biz
Afrika Millətlər Kuboku 2025 başa çatdıqdan sonra turnirin rəmzi komandası rəsmi şəkildə açıqlanıb.
İdman.Biz xəbər verir ki, rəmzi komandada qapıçı mövqeyində Mərakeş millisinin üzvü Yassin Bounou yer alıb.
Müdafiə xəttində isə mərakeşli Əşrəf Hakimi və Nussair Mazraui, nigeriyalı Kalvin Bassi və seneqallı Musa Niakhate seçilib.
Yarımmüdafiədə Seneqaldan Pape Qeye və İdrissa Qana Qeye, nigeriyalı Ademola Lookman var.
Hücum xəttini isə Seneqal millisinin lideri Sadio Mane, Nigeriya yığmasının ulduzu Viktor Osimhen və mərakeşli Brahim Dias formalaşdırılıb.
Qeyd edək ki, rəmzi komandanın açıqlanması turnirin yekun mənzərəsini əks etdirən əsas göstəricilərdən biri hesab olunur və siyahıya yarış boyu stabil və həlledici çıxışı ilə fərqlənən futbolçular daxil edilir.
