Idman.biz
Afrika Millətlər Kubokunun 1/4 final mərhələsində baş tutan Əlcəzair - Nigeriya oyununun final fitindən sonra meydanda qalmaqal yaşanıb.
İdman.Biz "Goal" nəşrinə isrinadən xəbər verir ki, Əlcəzair millisinin qapıçısı Nigeriyaya 0:2 hesablı məğlubiyyətdən sonra final fitinin ardından meydanda qalmaqal salıb.
27 yaşlı qolkiper Nigeriya yığmasının yarımmüdafiəçisi Fisayo Dele-Başiru ilə əvvəlcə şifahi mübahisə edib.
Qısa müddət ərzində bu mübahisə itələşməyə çevrilib və hər iki komandanın futbolçuları ilə texniki heyət üzvləri insidentə qoşulublar.
Hadisə zamanı Luka Zidanın Nigeriya millisinin digər üzvü, "Brügge"nin futbolçusu Rafael Onyedikayla da mübahisəsi düşüb.
Qeyd edək ki, Əlcəzair qrupu Sudan, Burkina-Faso və Ekvatorial Qvineya üzərində qələbələrlə 100 faizlik nəticə ilə başa vurmuşdu.
1/8 finalda DR Konqonu 1:0 hesabı ilə məğlub edən komanda Nigeriya(0:2) səddini aşa bilməyib.
Nigeriyanın qollarını Viktor Osimhen və Akor Adams vurublar.
Bu nəticə Nigeriya millisinin yarımfinalda turnirin ev sahibi və favoritlərdən biri olan Mərakeşlə üz-üzə gəlməsini təmin edib.
