Idman.biz
Afrika Millətlər Kubokunun yarımfinal mərhələsində Nigeriya ilə Mərakeş yığmaları arasında keçirilən oyunun son dəqiqələri qalmaqallı hadisə ilə yadda qalıb.
İdman.Biz xəbər verir ki, qarşılaşmanın penalti seriyası öncəsi Nigeriya millisinin qapıçısı Nuabali xüsusi olaraq ehtiyat skamyasına qaçaraq penaltilərlə bağlı qeydlərin olduğu dəsmalı götürüb və onu qapısının yanında yerləşdirib. Qolkiper eyni zamanda meydan sahiblərinin azarkeşlərinə qarşı qeyri-etik jest də nümayiş etdirib.
Lakin qapıçının diqqətindən kənarda qalan bir məqam sonradan oyunun taleyini dəyişib. Nuabali arxasını çevirən anda Mərakeş tərəfinin stüardları dəsmalı qapının yanından götürərək tribunaya aparıblar.
Nəticədə penalti seriyasında Nigeriya millisi məğlub olub və finala yüksələ bilməyib.
