Sport24.az
Bu gün İntizam Komitəsinin iclası keçirilib. Sport24.az xəbər verir ki, iclasda Azərbaycan kubokunun 1/8 final mərhələsinin oyunları zamanı baş vermiş qayda pozuntuları ilə bağlı cəzalar və cərimələr tətbiq olunub:
02.12.2025-ci il tarixində Azərbaycan Kubokunda 1/8 finalın "Zirə" – "Neftçi" oyununda "Neftçi" komandasında 4 nəfər sarı vərəqə aldığı üçün "Neftçi" komandası 700 manat cərimə edilsin (maddə 43.1);
02.12.2025-ci il tarixində Azərbaycan Kubokunda 1/8 finalın "Zirə" – "Neftçi" oyununda "Neftçi" komandasının azarkeşləri tərəfindən meydançaya kənar əşyalar atıldığına və bu hal kubokda ilk dəfə yaşandığına görə "Neftçi" komandası 2000 manat cərimə edilsin (maddə 86.3);
02.12.2025-ci il tarixində Azərbaycan Kubokunda 1/8 finalın "Zirə" – "Neftçi" oyununda "Neftçi" komandasının azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal kubokda ilk dəfə yaşandığına görə "Neftçi" komandası 5000 manat cərimə edilsin (maddə 52.5);
03.12.2025-ci il tarixində Azərbaycan Kubokunda 1/8 finalın "İmişli" – "Sabah" oyununda "İmişli" komandasının 4 futbolçusu sarı vərəqə aldığı üçün "İmişli" komandası 700 manat cərimə edilsin (maddə 43.1);
03.12.2025-ci il tarixində Azərbaycan Kubokunda 1/8 finalın "İmişli" – "Sabah" oyununda "Sabah" komandasının azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə "Sabah" komandası 5000 manat cərimə edilsin (maddə 52.5);
03.12.2025-ci il tarixində Azərbaycan Kubokunda 1/8 finalın "Qarabağ" – "Karvan-Yevlax" oyununda "Karvan-Yevlax" komandasının 4 futbolçusu sarı vərəqə aldığı üçün "Karvan-Yevlax" komandası 700 manat cərimə edilsin (maddə 43.1);
04.12.2025-ci il tarixində Azərbaycan Kubokunda 1/8 finalın "Difai" – "Sumqayıt" oyununun 83-cü dəqiqəsində "Difai" komandasının 77 nömrəli futbolçusu Roman Hüseynov ikinci sarıdan qırmızı vərəqə aldığı üçün 1 oyun oyuna buraxılmasın, "Difai" komandası 150 manat cərimə edilsin (maddə 17.5, 17.7);
04.12.2025-ci il tarixində Azərbaycan Kubokunda 1/8 finalın "Araz-Naxçıvan" – "Kəpəz" oyununda "Kəpəz" komandasının 5 futbolçusu sarı vərəqə aldığı üçün "Kəpəz" komandası 700 manat cərimə edilsin (maddə 43.1);
