AFFA "Qarabağ"ı iki min manat cərimələdi

AFFA-nın İntizam Komitəsinin iclası keçirilib. Sport24.az xəbər verir ki, yığıncaqda Misli Premyer Liqasının XVI turunun oyunlarında yaşanan xoşagəlməz hadisələr müzakirə olunub.

Komitə müvafiq qərarlar verərək klubları cəzalandırıb.

7 dekabr 2024-cü il tarixində Misli Premyer Liqasında XVI turun "Səbail" – "Araz-Naxçıvan" oyununda "Səbail" komandasının 4 futbolçusu sarı vərəqə aldığına görə "Səbail" komandası 700 manat cərimə edilir (maddə 37);

7 dekabr 2024-cü il tarixində Misli Premyer Liqasında XVI turun "Sabah" – "Qarabağ" oyununda "Qarabağ" komandasının azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə "Qarabağ" klubu 500 manat cərimə edilir (maddə 43.7);

7 dekabr 2024-cü il tarixində Misli Premyer Liqasında XVI turun "Sabah" – "Qarabağ" oyununda "Qarabağ" komandasının azarkeşləri tərəfindən pirotexniki vasitədən istifadə edildiyinə görə "Qarabağ" komandası 1500 manat cərimə edilir (maddə 52.2);

8 dekabr 2024-cü il tarixində Misli Premyer Liqasında XVI turun "Kəpəz" – "Zirə" oyununun matçöncəsi iclasında təhlükəsizlik nümayəndəsi iştirak etmədiyinə görə "Kəpəz" klubu 800 manat cərimə edilir (maddə 73.1);

8 dekabr 2024-cü il tarixində Misli Premyer Liqasında XVI turun "Sumqayıt" – "Neftçi" oyununda "Sumqayıt" komandasında 4 nəfər sarı vərəqə aldığına görə "Sumqayıt" komandası 700 manat cərimə edilir (maddə 37);

8 dekabr 2024-cü il tarixində Misli Premyer Liqasında XVI turun "Sumqayıt" – "Neftçi" oyununda "Sumqayıt" komandasının azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə "Sumqayıt" klubu 500 manat cərimə edilir (maddə 43.7);