İdman.biz
"Oyunda hər şey başa verə bilir".
Bunu İdman.bizə "Araz-Naxçıvan"nın baş məşqçisi Elmar Baxşıyev deyib.
O, AFFA-nın İntizam Komitəsi tərəfindən cəzalandırılmasına münasibət bildirib. Azərbaycan Premyer Liqasının IV turunda "Neftçi" ilə qarşılaşmada baş verənlərə görə diskvalifikasiya olunan çalışdırıcı "feyr-pley"i pozan komandaya cavab verdiyini deyib: "Buna reaksiya verilməli idi. Mən də bu cür davrandım. Bir sözlə, hisslərimi saxlaya bilmədim və emosiyalarımı büruzə verdim. Bunun başqa bir səbəbi yoxdur. Qərarla bağlı isə nəsə deyə bilməyəcək. Bu kimi məsələlərə görə klub rəhbərliyi hansısa qərarı verəcək".
Qeyd edək ki, Baxşıyev 1:1 hesabı ilə yekunlaşan görüşə görə 3 oyun şərti olmaqla 5 matçlıq cəzalanıb.
Banuçiçək Hüseynli
İdman.biz
