Sport24.az
Bu gün AFFA İntizam Komotəsinin iclası keçirilib. Sport24.az xəbər verir ki, toplantıda II Liqanın III turunun oyunları ilə bağlı aşağıdakı qərarlar qəbul olunub:
22.09.2025-ci il tarixində II Liqada III turun "Quba" – ""Şəmkir" oyununun 46-cı dəqiqəsində "Quba" komandasının azarkeşləri tərəfindən pirotexniki vasitədən istifadə edildiyinə və bu hal cari mövsümdə ilk dəfə yaşandığına görə "Quba" komandasına xəbərdarlıq edilsin (maddə 86.3, 20);
22.09.2025-ci il tarixində II Liqada III turun "Şirvan" – ""Göygöl" oyununda "Göygöl" komandasının nümayəndələrində "A buraxılışı" vəsiqəsi olmadığına görə "Göygöl" komandası 100 manat cərimə edilsin (maddə 86.12);
22.09.2025-ci il tarixində II Liqada III turun "Şirvan" – ""Göygöl" oyununda "Göygöl" komandasının həkimi olmadığına görə "Göygöl" komandası 100 manat cərimə edilsin (maddə 99, 94, 68)
23.09.2025-ci il tarixində II Liqada III turun "Kür-Araz" – ""Araz Saatlı" oyununda "Kür-Araz" komandasının 5 futbolçusu sarı vərəqə aldığı üçün "Kür-Araz" komandası 70 manat cərimə edilsin (maddə 43.1);
23.09.2025-ci il tarixində II Liqada III turun "Sheki City" – "Qaradağ Lökbatan" oyununun 85-ci dəqiqəsində "Qaradağ Lökbatan" komandasının 6 nömrəli futbolçusu İsa Zeynallı ikinci sarıdan qırmızı vərəqə aldığı üçün 1 oyun cəzalansın, "Qaradağ Lökbatan" komandası 50 manat cərimə edilsin (maddə 17.7);
23.09.2025-ci il tarixində II Liqada III turun "Sheki City" – "Qaradağ Lökbatan" oyununda Əsasnamənin 9-cu maddəsinin 4-cü bəndi pozulduğuna görə "Sheki City" komandası 100 manat cərimə edilsin (maddə 99, 94, 68).
