Idman.biz
AFFA-nın İrlandiyada dünyaya gələn Dennis Çirkini milliləşdirəcəyi ilə bağlı mətbuatda iddialar yayılıb.
İdman.biz xəbər verir ki, AFFA-nın mətbuat xidmətindən Sportal.az saytına verilən açıqlamada "Sanderlend"in müdafiəçisinin millimizə cəlb olunacağı ilə bağlı yayılan xəbərlərin əsassız olduğu deyilib.
Çirkinin milliləşdirilməsi məsələsinin AFFA-nın planında olmadığı bildirilib: "Yayılan xəbərlər əsassızdır, həqiqəti əks etdirmir".
Qeyd edək ki, İngiltərənin yeniyetmələr yığmalarında oynamış 23 yaşlı futbolçu "Tottenhem"in yetirməsidir. Onun əslən Türkiyədən olduğu bildirilir.
İdman.biz
