Idman.biz
AFFA Azərbaycan – Macarıstan yoldaşlıq oyunu ilə əlaqədar "Liv Bona Dea Arena"ya azarkeşlərin rahat gediş-gəlişini təmin etmək məqsədilə xüsusi nəqliyyat xidməti təşkil edəcək.
İdman.biz xəbər verir ki, avtobuslar sabah saat 18:00-dan 18:30-dək "Koroğlu" metrostansiyasının hava limanı istiqamətindəki çıxışından (piramida formalı çıxış) stadion istiqamətində fəaliyyət göstərəcək.
Nəqliyyatdan yalnız oyun bileti təqdim edən azarkeşlər yararlana biləcəklər.
Matç başa çatdıqdan sonra avtobuslar azarkeşlərin "Koroğlu" metrostansiyasına geri daşınmasını təmin edəcək.
Qeyd edək ki, iyunun 10-da "Liv Bona Dea Arena"da keçiriləcək Azərbaycan – Macarıstan oyunu saat 20:00-da başlanacaq. Milli iyunun 7-də səfərdə Latviya ilə qolsuz heç-heçə edib.
İdman.biz
