Idman.biz
"Milan"ın yarımmüdafiəçisi Adrien Rabyo "İnter"lə keçiriləcək derbi oyununda start heyətində yer almağa hazır vəziyyətdədir.
İdman.Biz xəbər verir ki, İtaliyanın "Corriere della Sera" və digər nüfuzlu nəşrləri onun sol baldır əzələsindəki zədənin tamamilə sağaldığını və komanda ilə məşqlərə qatıldığını yazıb.
Rabyo özü də açıqlamasında yaxşı olduğunu deyib.
"Son bir ayı fitnesdə işlədim. Meydan üçün darıxmışam. Fiziki və ruhi cəhətdən çox yaxşıyam. Heç bir idmançı zədəli olmağı sevmir. Bu müddətdə komandaya kömək edə bilmədiyim üçün təəssüf edirəm. Baldırla bağlı olduğundan ehtiyatla davrandım, risk etmək istəməzdim", - deyə yarımmüdafiəçi bildirib.
Bu xəbər "Milan" üçün mühüm impuls ola bilər, çünki Rabyonun komandaya qayıdışı yarımmüdafiədə tarazlığı bərpa etməyə kömək edəcək.
