Sport24.az
"Kəpəz" klubu rəhbərliyinin baş məşqçi Adil Şükürovu hansı şərtlərlə istefaya göndərməyəcəyi bəlli olub.
Bu barədə Sport24.az-a Gəncə təmsilçisinə yaxın olan mənbədən məlumat verilib.
"Sarı-göylər" daha əvvəl 48 yaşlı mütəxəssisin qarşısına növbəti üç tur ərzində komandanı toparlamaq və xalların bərpa olunması ilə bağlı hədəf qoyulduğunu açıqlayıb.
Əldə etdiyimiz məlumata əsasən, "Kəpəz" bu qarşılaşmalarda azı 3 və ya 4 xal qazanmalıdır. Əks təqdirdə Adil Şükürovla yollar ayrılacaq. Bundan əlavə, növbəti turdakı böyükhesablı məğlubiyyət də baş məşqçinin göndərilməsinə gətirib çıxaracaq.
Qeyd edək ki, "Kəpəz" Misli Premyer Liqasının ilk üç tutunda "Sumqayıt" (0:3), "Karvan-Yevlax" (2:3) və "Zirə"yə (0:5) uduzub. Komanda IV turda "Araz-Naxçıvan"la, növbəti matçlarda isə müvafiq olaraq "Qəbələ" və "Turan Tovuz"la üz-üzə gələcək.
