Sport24.az
"İndiki dönəmdə "Qarabağ" və "Zirə"nin Azərbaycanı Avropada təmsil edəcəyi tam dəqiqləşib. "Araz-Naxçıvan" isə işin 50 faizini yerinə yetirsə də, tam rəsmiləşməsi üçün çempionatın son oyunlarını gözləmək lazım gələcək".
Bu sözləri Sport24.az-a açıqlamasında "Zirə" və "Kəpəz"in sabiq baş məşqçisi Adil Şükürov deyib.
Mütəxəssis "Zirə"nin Avropa Liqası və yaxud Konfrans Liqasına gedəcəyinin Azərbaycan Kubokunun final oyunundan sonra bəlli olacağını xatırladıb:
"Eyni ilə "Sabah" və "Turan Tovuz"un aqibəti də final matçının nəticəsinə bağlıdır. Amma Tovuz klubundan fərqli olaraq "Araz Naxçıvan" və "Sabah"ın Avropada iştirakı göstərəcləri performansdan asılıdır. Futbol olaraq baxdıqda isə deyə bilərik ki, "Turan Tovuz" nə qədər də proqmatik futbol oynasa da, indiki dövrdə məcbur daha kreativ futbol oynamalıdır. "Araz Naxçıvan" isə qeyd etdiyimiz kimi son üç turdan minimum 4 xal yığmalıdır ki , son qarşılaşmaya qədər Konfrans Liqasında çıxışını təmin edə bilsin".
