Sport24.az
"Şamaxı" - "Səbail" oyunu meydançaya uyğun olaraq daha çox birə-bir mübarizə şəraitində keçdi. Hansısa komandanın üstün və ya zəif oynadığını demək olmaz. Oyuna baxanda görünürdü ki, komandalar bir xala razı idilər. Bunu da həmən günə olan hava şəraiti, meydançanın durumu və turnir cədvəlində olan sıxlıq məcbur edirdi. Çünki "Səbail"in qalibiyyəti "Şamaxı" ilə xal fərqinin minimuma enməsi və turnir cədvəlində sonuncu pillədən qurtulması demək idi".
Bu sözləri Sport24.az saytına açıqlamasında Adil Şükürov deyib.
Mütəxəssis Misli Premyer Liqasının 17-ci turunun digər qarşılaşmalırını belə şərh edib:
"Gözlənilməz nəticə "Araz Naxçıvan" - "Sabah" oyununda oldu. Bu matçda "Arar Naxçıvan"ın uduzmayacağını düşünürdüm. Oyun ərzində "Araz Naxçıvan"ın qol imkanlarının çoxluğu və topa daha çox nəzarət etməsi məğlub olacağına inandırmırdı. Amma Naxçıvan təmsilçisinin məğlub olması bir daha göstərdi ki, Misli Premyer Liqasında sürpriz nəticələr çox olacaq. "Sabah"a gəldik də isə onu demək olar ki, Vasili Berezutskinin gəlişindən sonra turnir cədvəlində komandaların mövqeyinə uyğun müxtəlif strategiya ilə oyunlara hazırlaşır. "Qarabağ"la oyunda daha çox üçüncü zonada pressinq edirdisə, bu oyunda ikinci zonanın əvvəlində rəqibi qarşılayaraq oynayırdı. Bu da "Sabah" komandasının gələcək turlarda hansı oyun üslubuna üstünlük verərək oynayacağını müəyyənləşdirmək baxımında rəqiblərə çətinlik törədəcək.
"Zirə" - "Turan-Tovuz" oyununu turun taktiki döyüşü kimi xarektirizə edərdim. Hər iki komanda turnir cədvəlindəki yerini qorumaq barədə fikirləşirdi ki, bu da oyunu baxımsız və maraqsız edirdi. Sanki komandalar qol vurmaq yox, müdafiə olunmaq barəsində fikirləşirdi. Buna "Zirə"də olan güclü küləyin təsiri oldu. Amma azsayda "Turan-Tovuz" hücumları bəzən oyunu maraqlı edirdi.
"Neftçi" - "Kəpəz" oyunu qolla başlaması "Kəpəz"i bəlkə də ilkin oyun planından çıxmağa məcbur etdi. Oyun bütövlükdə hər iki komandanın rəqib qapıları qarşısında təhkükəli hücumları ilə yadda qaldı. Oyunun sonlarına yaxın "Kəpəz" futbolçularının vurduqları qoldan sonra daha da aktivləşməsi "Neftçi"nin kəskin əks hücumlardan yararlana bilməməsi ilə sonlandı. Bu qələbə "Neftçi"nin "Şamaxı"nı geridə qoyaraq yeddinci pillədə möhkəmlənməsinə səbəb oldu. Son turda "Neftçi"ni Tovuz səfərində hansı çətinliklər gözlədiyini nəzərə alsaq, "Kəpəz" oyunundakı qazanılan qələbənin çox vacib olduğunu deyə bilərik .
"Qarabağ" - "Sumqayıt" oyununda hesabın 5:0 olmağını sürpriz kimi qeyd edə bilərəm. "Sumqayıt"ın son turlarda göstərdiyi performans komandanın "Qarabağ"la oyunda yaxşı mübarizə apararaq bərabərliyə nail olacağını deməyə əsas verirdi. Lakin dördüncü dəqiqədə Musanın qolu demək olar ki, oyunun müqəddəratını həll etdi. Birinci hissənin əlavə vaxtında Nəriman Axundzadənin üçüncü qolu vurması son nöqtə oldu. İkinci hissədə artıq "Sumqayıt"ın nəyəsə ümüd etməsinə "Qarabağ" heç bir şans vermədi".
