Sport24.az
Premyer Liqanın ilk turunda "Kəpəz" səfərdə "Sumqayıt"a 0:2 hesabı ilə məğlub olub. Sport24.az xəbər verir ki, Gəncə təmsilçisinin baş məşqçisi Adil Şükürov oyundan sonra keçirilən mətbuat konfransında jurnalistlərin suallarını cavablandırıb. O əvvəlcə matçla bağlı fikirlərini bölüşüb.
- Yeni komanda qururuq. Bizim üçün vaxt lazım olacaq. Bilirik ki, vaxtımız yoxdur. Hər şeyi daha sürətli etməliyik. Qarşıda bizi uzun marafon gözləyir. İnanıram ki, komanda daha baxımlı futbol oynayacaq.
- Komandanız yeni mövsümə autsayder statusu ilə başlayır. Çətin olmayacaq?
- Bizi ən çox narahat edən odur ki, yenidən komanda formalaşdırırıq. Digərləri formalaşmış komandanı gücləndirir. Futbolçuların çempionata uyğunlaşması bir az vaxt alır. Təəssüflər olsun ki, bu il də hədəfimiz Premyer Liqada qalmaqdır.
- Yeni transferlər gözlənilir?
- Danışıqlar apardığımız futbolçular var. Transferlərə ehtiyac duyuruq. Rəhbərliklə bu barədə danışmışıq.
