Sport24.az
"Legioner limitinin ləğvi barədə fikir bildirən bəzi dostlar deyirdilər ki, limitlə komandamız D liqasına yuvarlanıb. Gəlin biraz da limitsiz çempionat oynadaq, görək hansı nəticəni verəcək". Bu sözləri Sport24.az-a açıqlamasında Adil Şükürov bildirib.
Misli Premyer Liqasında 2025/2026-cı illər mövsümündən legioner limitinin ləğvi qərarına münasibət bildirən mütəxəssis bunun nə ilə nəticələnəcəyini zamanın öhdəsinə buraxıb:
"Milli komanda sarıdan verilən qərarın sonluğunu gözləməliyik. Birvaxtlar Bakının "İnter" klubunun sabiq prezidenti Georgi Nikolov müsahibəsində bildirmişdi ki, klubun ambitsiyalarını üstün tutaraq limitin ləğvinə çalışırdıq. Həmin vaxt bunu bacarmadılar, amma indi limit ləğv olundu. Gəlin gözləyək, görək verilən qərarın sonu bizi hara aparacaq".
Qeyd edək ki, İcraiyyə Komitəsinin dünən keçirilən iclasında növbəti mövsümdən Premyer Liqada legioner limitinin ləğv olunması ilə bağlı qərar qəbul olunub.
