Adil Şükürov: "Estoniya ilə oyun final matçıdır"

"Görünən odur ki, Estoniya millisi bizimlə oyuna final oyunu kimi yanaşacaq. Əsas məqsədləri uduzmamaq olacaq". Bu sözləri Sport24.az-a açıqlamasında Adil Şükürov Azərbaycan millisinin Millətlər Liqasının V turunda Estoniya ilə qarşılaşmasını şərh edərkən deyib.

Təcrübəli mütəxəssis millimizin baş məşqçisi Fernando Santuşun bu oyunda işinin ağır olacağını bildirib:

"Uduzsalar belə minimal hesabla məğlub olmaq istəyəcəklər ki, qrupda qrupda sonuncu olmasınlar. Bizə isə  əksinə bu  oyun final oyunu kimidir. Hətta, bərabərlik belə bizim üçün D  liqasına getmək deməkdir. Təəssüf edilən məqam isə  komanda  bu  oyuna Emin Mahmudov kimi lidersiz hazırlaşır. Fernando Santoş Eminin zədələnməsindən sonra belə onu komanda da lider kimi  görmür və onu heyət ilə birlikdə olmasını lazım bilməyib. Məncə bu durum son  zamanların millisinin ən acınacaqlı dövrü olacaq. Amma burda başqa cür yanaşma ola bilər . Bununla 70 yaşlı mütəxəssis "burda  lider  mənəm" deməklə həm meydanda, həm də texniki zonada liderliyini ortaya qoyacaq. Nəzərə alaq ki, bu oyunda millimizi bərabərlik belə qrup sonunculuğundan qurtarmır. Yəni Fernando Santoşun işi çox ağır olacaq. Komanda ən azı 3 top fərqi  ilə qalib  gəlməlidir. Hətta nəzərə alsaq ki, komanda ilk dəfə Qəbələdə azarkeşlər qarşısına çıxacaq və bu ilk də mütləq qalibiyyətlə olmalıdır".