Sport24.az
"Zirə" - "Kəpəz" qarşılaşması gözlədiyim ssenari üzrə getdi. Əvvəldən də məlum idi ki, "Zirə" bu oyunda favorit olacaq. "Kəpəz" isə imkan yaxaladıqca hücum edəcək. Meydan sahiblərinin həmlələri daha kəsərli alınırdı. Bu cür hücumları davamlı olaraq təşkil etmək üçün "Zirə"nin yetərincə ehtiyat qüvvəsi də mövcuddur" . Bu sözləri Sport24.az-a açıqlamasında Adil Şükürov deyib.
Təcrübəli mütəxəssis sabiq komandasının Zirə"yə məğlub olduğu Misli Premyer Liqasının 24-cü turunun oyunu ilə bağlı fikirlərini bölüşüb:
"Oyun zamanı "Zirə" etdiyi dəyişikliklər də bunu göstərdi. "Kəpəz"ə gəldik də isə komanda da məşqçinin sərəncamında tam heyət formalaşdırmaq üçün oyunçular var. Ancaq Azər Bağırovun oyun ərzində rotasiya etmək imkanları geniş deyil. Lakin buna baxmayaraq "Kəpəz" mübarizə apardı. Amma 90 dəqiqə ərzində "Zirə"nin təhlükəli hücumlarının hamısının qarşısını almaq mümkün olmadı".
Qeyd edək ki, Premyer liqanın XXIV turu çərçivəsində "Kəpəz" səfərdə "Zirə"yə 0:2 hesabı ilə məğlub olub.
