Sport24.az
"Bu tur maraqlı və gərgin keçdi. Bunun nəticəsidir ki, hakimlər 3 qırmızı vərəqə göstərdilər. Turlar örtükcə, oyunların əhəmiyyəti artır, gərginlik pik həddə çatır". Bu sözləri Sport24.az-a açıqlamasında Arif Əsədov deyib.
Misli Premyer Liqasının XXVI turunun oyunlarını şərh edən mütəxəssis qarşılaşmalar haqda bunları deyib:
"Araz Naxçıvan" - Qarabağ" oyunu xal baxımından meydan sahiblərinə daha vacib idi. Oyuna daha motivasiyalı çıxmışdılar. Bu, ilk dəqiqələrdən hiss olunurdu. "Qarabağ"ın isə oturuşmuş heyəti var. Gedişat çox çətin oldu. İkinci hissədə futbolçular arasında incident də yaşandı. Ağdamlılar qələbə qazanmaqla çempionluq yolunda inamla addımlayır.
"Şamaxı" - "Sabah" qarşılaşmasında "şirlər"ə xal daha vacib idi ki, Premyer Liqada qala bilsinlər. "Sabah" isə, daha çox fikirini kuboka yönəldib. Qonaqlar üçün süni örtükdə oynamaq həmişə çətin olub. "Şamaxı" oyuna istəkli başladı və layiqli qələbəsini qazandı".
"Zirə" - "Səbail" görüşündə favorit meydan sahibləri idi. 3 xal qazanıb, avrokuboklara vəsiqə verən yerini möhkəmləndirmək istəyirdilər. "Səbail" də oyuna yaxşı hazırlaşmışdı. Onlar layiqli mübarizə aparırdı. Sona qədər vuruşub, heç olmasa bir xal qazanmaq istəyirdilər. Ancaq istəklərinə çata bilmədilər.
"Sumqayıt" "Kəpəz" komandalarının xalları bərabər idi. Hər ikisi turnir cədvəlində təhlükəli zonadan çıxmağa çalışır. "Sumqayıt" bu oyuna son şans kimi baxırdı. İlk dəqiqələrdə bərabər oyun getsə də, sonradan "Sumqayıt" təşəbbüsü ələ aldı və layiqli qələbə qazandı.
Turun maraqlı oyunlarından biri "Neftçi" - "Turan Tovuz" qarşılaşması idi. "Neftçi" daha çox fikirini kuboka yönəldib. "Turan Tovuz"a üçün isə liqa yolu ilə avrokuboklara vəsiqə qazanmaq istəyir. Hava şəraiti əlverişsiz, dumanlı idi. Tovuzlular 18-ci dəqiqədən bir nəfər azlıqda qalmasına baxmayaraq əsl xarakter göstərdi. Düzdür, ərazi üstünlüyü "Neftçi"də idi, təhlükəli hücumlar yaradırdı. Qonaqlar isə yaxşı müdafiə olundu. Onların üstün cəhətlərindən biri standart vəziyyətlərdir. Qərb təmsilçisi vacib bir xal qazandı".
Qeyd edək ki, martin 14-də Premyer Liqada XXVII tura start veriləcək. Turun ilk görüşündə "Araz-Naxçıvan" "Şamaxı"nı qəbul edəcək.
