Adil Şükürov: Qarşıdakı turlarda komanda daha da sürətli oyun nümayiş etdirəcək

Birinci Liqada çıxış edən "Səbail"in baş məşqçisi Adil Şükürovun Sport24.az-a müsahibəsi.

- Son turda "Cəbrayıl"ı məğlub etməklə, "Səbail"də baş məşqçi kimi ilk qələbənizi qazandınız. Oyunu necə şərh edərdiniz?
- Bu 3 xala çox böyük ehtiyacımız var idi. Allaha şükürlər olsun bu qələbəni bizə nəsib etdi. Qarşıda bizi daha çətin oyunlar gözləyir. Komanda olaraq çox çalışdıq. Məşqçi olaraq görmək istədiyimiz bəzi gedişlər var idi ki, onların ilkin siqnallarını gördük. Düşünürəm qarşıdakı turlarda komanda daha da sürətli oyun nümayiş etdirəcək.

- İlk oyun olsa da, komandadan istədiyinizi ala bildinizmi?
- Nəzərə alsaq ki, komanda ilə ilk oyuna çıxmışdıq, kollektiv ümumən fikirləşdiklərimizi meydanda həyata keçirməyə çalışdı. Heyətdə təcrübəli futbolçularımız var və bu oyunçularla qarşıya qoyulan məqsədə doğru gedəcəyik.

- Komandanın çempionluq şanısını necə dəyərləndirirsiz?
- Çempionat uzun marafondur. Bizə lazım olan bu marafonda ön sıralarda olmaqdır. Bunun üçün çox çalışmalıyıq. Çünki Premyer Liqa təcrübəsi olan futbolçular üçün Birinci Liqaya adaptasiya olmaq çətindir. Burada vacib məqam komandanı stabil oyunla çempionatın sonuna kimi maksimum optimal formada saxlamaqdır.

- Hazırkı heyət çempion olmaq üçün yetərlidir?
- Qeyd etdiyim kimi, komanda da Premyer Liqa təcrübəsi olan yetərincə futbolçularımız var. Sadiq Quliyev, Səbail Bağırov, Yusif Nəbiyev və Rəşad Əzizli kimi oyunçular hər biri lider olaraq meydanda qərar verib həyata keçirmək iqtidarında olan futbolçulardı. Heyətimizdə yaxşı gənc futbolçularımız da var ki, onların Premyer Liqada oynayıb daha çox təcrübə toplamağa ehtiyacı var.

- Növbəti tur "Şahdağ Qusar"la oyun var. Gözləntiləriniz?
- "Şahdağ Qusar" çox yaxşı komandadır. Onlar demək olar ki, bütün komandalarla mübarizə aparır. Hətta deyərdim ki, bəzi məqamlarda rəqiblərin üstəliyib.