Sport24.az
"Fernandu Santoş dünən İsveçlə oyunda göstərdi ki, heç bir komandaya qarşı tam müdafiəyə çəkilən, daha çox əks-hücuma bel bağlayan komanda formalaşdırmaq niyyətində deyil. İlk dəqiqələrdən yüksək temp verib kəsərli hücumlar edən, rəqibi gözləmədiyi anda cəzalandırıb üstünlüyə yiyələnmək istəyən komanda quracaq". Bu sözləri Sport24.az-a açıqlamasında Adil Şükürov deyib.
"Kəpəz"in sabiq baş məşqçisi millinin İsveçlə qarşılaşmasını şərh etməklə yanaşı, portuqaliyalı mütəxəssisin hücum etməkdən çəkinməyən komanda qurmaq istədiyini də bildirib: "Portuqaliyalı baş məşqçi rəhbərlik etdiyi komandanın hücum futbolu sərgiləyəcəyinin siqnalını ötürdü. Ramin Şeydayevin surətli cinah keçidindən sonra rəqibin qapıçısının möhtəşəm seyvi və müdafiəçinin fədakarlığı nəticəsində İsveç millisi qoldan xilas oldu. Oyunun gedişində komandamız bəzən surətli hücumlar quraraq rəqibi hazırlıqsız yaxalayırdı.Birinci hissənin son dəqiqələrində penalti qazandıq. Ondan yararlanmasaq da, ikinciyarıda komandamızın ifasında surətli hücumlar gördük. Ümumi olaraq gördüyüm o oldu ki, Santoş tam olaraq istəyini reallaşdıra bilsə, Millətlər Liqasında hücumda daha çox oynayan komanda görəcəyik . Santuş mətbuat konfransında onu da qeyd etdi ki, hücum edən komanda eyni zamanda müdafiə aspektində də düzgün düzülməyi bacarmalıdır ki, nəticə qazanılsın. Millimiz məğlub olsada düşünürəm ki, indiki heyətlə bizi qarşıda daha maraqlı və dinamik oyunlar gözləyir".
Qeyd edək ki, Millər Liqasının ilk turunda İsveçə öz meydanında 1:3 hesabı ilə məğlub olan yığma, növbəti oyununu sentyabrın 8-də səfərdə slovakiyaya qarşı keçirəcək"
