Idman.biz
"Səbail" Birinci Liqanın 12-ci turunda gözlənilmədən autsayder "Şimal"a 3:4 hesabı ilə məğlub olaraq Misli Premyer Liqaya vəsiqə mübarizəsində növbəti zərbəni aldı. "Dənizçilər"in baş məşqçisi Adil Şükürov komandasının oyununu dəyərləndirib.
48 yaşlı mütəxəssis görüşü belə şərh edib.
"Göründü ki, komandanı oyuna tam hazırlaya bilməmişik. Arxayınçılıq var idi. Nə qədər çalışsaq da, görünür, bu münasibəti dəyişə bilməmişdik. Nəticəsi meydanda göründü. Bu məğlubiyyət bizə siqnal oldu. Nəyi dəyişmək lazımdır, qış hazırlığını hansı istiqamətdə qurmaq lazımdır, artıq əlimizdə material var. Bizi çox iş gözləyir. İkinci dövrəyə ciddi hazırlaşacağıq", - deyə o, fanat.az-a açıqlamasında deyib.
Qeyd edək ki, "Səbail" 12 turdan sonra 22 xalla turnir cədvəlinin üçüncü pilləsində qərarlaşıb.
