Sport24.az
"Qələbə elə bir nəticədir ki, gərək elə edəsən ki, küsməsin". Bu sözləri Sport24.az-a açıqlamasında Adil Mahmudov deyib.
Təcrübəli futbol mütəxəssisi Azərbaycan millisinin bu gün Belarusa qarşı keçirəcəyi yoldaşlıq oyunu ilə bağlı fikirlərini bölüşüb:
"Milli bir az çətin durumdadır. Hazırda ancaq psixoloji olaraq komandanı bu vəziyyətdən çıxarmaq olar. Azarkeşlər hər zaman milliyə və onun futbolçularına inamı hiss etdirsə, inanıram ki, oyunçular daha yaxşı çıxış edəcəklər. Belə olanda tamam başqa ab-hava görəcəyik".
Mahmudov azarkeşlərdən və hər kəsdən yığmaya dəstək olmağı xahiş edib:
"Komandaya sonunadək dəstək olaq. Onlar bizim oyunçular, bizim milli komandamızdır. Ümid edirəm ki, növbəti nəticələr ürəkaçan olacaq".
Qeyd edək ki, bu gün baş tutacaq Azərbaycan - Belarus oyunu saat 21:45-də başlayacaq.
